Suriyanın şimalındakı Hələbdə, müxalif qüvəllərin nəzarətində olan ərazilərə təşkil edilən hava hücumlarında ölən vətəndaşların sayı 42-yə, yaralıların sayı isə 83-ə çatıb. Ölənlərin arasında uşaqlar da var. Bombardmanların, yaralıların xəstəxanaya daşınmasına imkan verməyəcək qədər şiddətli olduğunu vurğulanır.
ABŞ-ın Xarici İşlər Nazirliyinin spikeri Elizabeth Trudeau verdiyi açıqlamada, Rusiyanın və Əsəd rejiminin Hələbdə hava hücumlarını davam etdirməsini qınamışdı. Rusiya Müdafiə Nazirliyi spikeri İqor Konaşenkov isə rus reaktivlərinin 28 gündür Hələb üzərində uçmadığını bildirmişdi.
