İmişli rayonunda yeni doğulmuş körpə ölüb.
"Sherg.az" Trend-ə istinadən bildirir ki, hadisə aprelin 20-də baş verib. Belə ki, şəhər sakini Mürsəlov Mirəziz Mirağa oğlu İmişli Rayon Polis Şöbəsinə məlumat verərək bildirib ki, həmin gün yeni doğulmuş nəvəsi ölüb.
Şikayətçi iddia edib ki, yeni doğulan körpə həkim səhlənkarlığından dünyasını dəyişib.
Faktla bağlı aparılan araşdırma zamanı məlum olub ki, İmişli şəhəri, S.Əsədov küçəsi 35 ünvanında yaşayan Mürsəlova Nurdan Telman qızı aprelin 20-də qeysəriyyə əməliyyatı olunub, doğulmuş qız övladının vəziyyəti ağırlaşdığından körpə Sabirabad Perinatal Mərkəzə göndərilsə də, orada ölüb.
Faktla bağlı İmişli Rayon Prokurorluğu tərəfindən araşdırma aparılır.
