"Erməni təcavüzünə cavab vermək lazımdır. Bunun yeganə yolu hərbi qüvvələrimizi hərəkətə keçirməkdir”.
Bu barədə "Sherg.az”a açıqlamasında millət vəkili Fəzail Ağamalı deyib.
Parlament üzvü bildirib ki, əlverişli məqamda və şəraitdə ordumuzun gücü ilə düşmən üzərində ciddi qələbə qazanmalıyıq:
"Torpaqlarımızın işğaldan azad olunmasının başqa yolunu görmürəm. Təbii ki, müharibə üçün əlverişli şərait yaradılmalı və bu şəraitdən istifadə edərək hərəkətə keçməliyik. Ermənilərə elə zərbə vurmalıyıq ki, onlar bir daha, nəinki Azərbaycan torpaqları haqqında düşünsünlər, eyni zamanda tarixi torpaqlarımız olan Qərbi Azərbaycandan da rədd olsunlar. Fikrimcə, Ermənistan heç bir halda işğal edilmiş torpaqlarımızı geri qaytarmaq fikrində deyil. Paşinyan bir-birini təkzib edən boş bəyənatlarla çıxış edir”.
F.Ağamalının sözlərinə görə, erməni cəmiyyəti torpaqlarımızın azad olunmasına hazır deyil:
"Ermənilər elə bilir ki, bizim torpaqlarımız artıq onlarındır. Ona görə də zamanında və vaxtında hərəkətə keçməliyik. İgid əsgər və zabitlərimiz işğalda olan torpaqlarımızı azad etməlidir. Ermənistan qarşımızda diz çöküb ağ bayrağı qaldırandan sonra, öz iradəmizi onlara diktə etməliyik. Torpaqlarımız azad olunması üçün başqa yol görmürəm. Təbii ki, heç kim müharibə istəməz. Amma başqa çıxış yolu yoxdur. 200 ildən bəri davam edən erməni təcavüzünə son qoymaq lazımdır”.
Yeganə Bayramova
