Dağıstanın Dərbənd şəhərində naməlum şəxs diş ağrısı ilə həkimə müraciət edərək, onu suvenir xəncərlə qətlə yetirib.
Virtualaz.org bildirir ki, bu barədə respublikanın Daxili İşlər Nazirliyi İnstaqram səhifəsində məlumat yayıb. Belə ki, oktyabrın 2-də səhər tezdən bir kişi diş həkiminin evinə gəlib və güclü diş ağrısından şikayətlənib. İş vaxtı həkim otağına müraciət etmək təklifinə, xəstə ağrılara dözə bilmədiyini bildirib. Qohumları tərəfindən oyanan həkim “xəstənin” dişini çəkmək üçün iş otağına gedib və bundan sonra faciə baş verib.
Hadisə yerinə dərhal gələn polis əməkdaşları stomatoloqun sol tərəfindən sinə nahiyəsinə xəncərlə ağır xəsarət yetirilməsi nəticəsində öldüyünü təsbit edib. Hadisə yerindən cinayətin izləri və suvenir xəncər götürülüb.
Cinayətdə şübhəli bilinən şəxs axtarışa verilib.
