Son illərdə Cənubi Qafqaz ölkələri arasında daha çox Azərbaycan əhalisi həyat şəraitindən razıdır.
"Sherg.az" bu barədə Dünya Bankının "South Caucasus in Motion” hesabatına istinadən məlumat verir.
Hesabata əsasən, Azərbaycanda rəyi soruşulanların 43 faizi valideynlərinin dövrü ilə müqayisədə daha yaxşı yaşadığını deyib. 14 faiz şərtlərin dəyişmədiyini, 24 faiz isə şərtlərin daha pis olduğunu bildirib.
Ermənistanda respondentlərin 62 faizi həyat şərtlərinin pisləşdiyini, 9 faizi dəyişikliklərin olmadığını və yalnız 26 faizi valideynlərindən daha yaxşı yaşadıqlarını bildirib.
Gürcüstanda isə respondentlərin 52 faizi həyat şərtlərinin pisləşdiyini, 11 faizi dəyişikliklərin olmadığını və yalnız 34 faizi valideynlərindən daha yaxşı yaşadıqlarını bildirib.
