"Ermənilərin, erməni əsilli şəxslərin Bakıya gəlib-getməsi cəmiyyətdə qıcıq doğurur”.
Bu barədə "Sherg.az”a Qarabağ Azadlıq Təşkilatının (QAT)rəhbəri Akif Nağı bildirib.
O qeyd edib ki, torpaqlarımız işğal altında olduğu müddətdə azərbaycanlıların ermənilərə qarşı bu qədər aqressiv olması normaldır:
"Həmçinin, düşünülür ki, bu proseslər ermənilərin siyasətinin tərkib hissəsidir. Ermənilər Azərbaycan torpaqlarını işğal ediblər, indi ikinci mərhələ başlayıb. Bu mərhələdə isə ermənilər işğal etdikləri torpaqlarımızda möhkəmlənməyə çalışırlar. "Xalq diplomatiyası” deyilən məsələ də beynəlxalq erməni mərkəzləri tərəfindən düşünülmüş plandır, buna xidmət edir. Azərbaycandan özlərinə müəyyən adamları da cəlb edə biliblər. Vaxtaşırı bu istiqamətdə addımlar atırlar. Məsələn, hansısa ermənini tapıb, ölkəyə gətirirlər ki, bu hal Azərbaycan cəmiyyəti üçün adiləşsin. Maraqlıdır ki, hər dəfə işğal məsələsinin müzakirəsindən yayınırlar. Belə hallara qətiyyən yol vermək olmaz, maraqlarımıza zidd məsələdir.
Torpaqlarımıza işğal altındadırsa, Azərbaycan xalqının belə hallara reaksiyası adekvat olmalıdır. Hər zaman deyirik ki, erməniyə erməni olduğuna görə deyil, torpaqlarımızı işğal etdiklərinə, Xocalı, Qaradağlı, Ağdaban faciələrini törətdiklərinə görə nifrət edirik.
Bu istiqamətdə müxtəlif təşkilatlar addımlar atır. Ancaq məsələyə dövlət səviyyəsində qiymət verilməlidir”.
Aysel Aslan
