İstanbulun Esenyurt rayonunda inşaat işləri səbəbindən bir küçə və prospektdə yolda çatlar əmələ gəlib.
Xilasedici qruplar hər hansı bir təhlükə yaşanmaması üçün küçə və prospekti bağlayaraq, iş yerləri və binaları boşaldıb. Mühəndislərin araşdırma aparması gözlənilir.
İstanbul Bələdiyyəsi hadisələ əlaqədar şərh verib: "Güzelyurt məhəlləsi Orhangazi prospektində və prospekt üzərindəki 9 mərtəbəli bir binada baş verən çökmə və çatlar səbəbiylə yol bağlanıb, bina da tədbir məqsədiylə boşaldılıb".
CNN TÜRK-ün müxbiri Özgür Dəniz Kaya Esenyurtdan verdiyi məlumata görə, 30-dan çox binada köçürülmə əməliyyatları reallaşdırılıb. Yolun üzərində çatlar var. Binalarda və nərdivanlarda çatlar əmələ gəlib. İstanbul Bələdiyyəsi və AFAD qrupları hazır vəziyyətdə gözləyir. Yüzlərlə bina sakini də qruplardan açıqlama gözləyir. 2 prospekt və bir küçədə olan binalar boşaldılıb.
Esenyurt Bələdiyyəsi tərəfindən verilən son şərhə görə, ərazidə 34 bina boşaldılıb.
