"Ekoloji problemlərin aradan qaldırılması, iaşə obyektlərinin tullantılarına qarşı tədbirlər həyat səviyyəsinin yüksəldilməsi prosesinin tərkib hissəsidir”.
Bunu "Sherg.az”a Ekologiya və Təbii Sərvətlər Nazirliyinin (ETSN) ictimai iaşə obyektlərində apardığı monitorinqlərdən danışarkən AVCİYA Seçki Qərargahının rəhbəri Məhərrəm Zülfüqarlı deyib.
Onun sözlərinə görə, iaşə obyektlərinin fəaliyyəti zamani tüstünün, qazların iyi və qoxu yayılması probleminin aradan qaldırılması üçün inkişaf etmiş ölkələrin təcrübəsinə nəzər salmaq olar:
"ETSN -nin atmosfer havasını zərərli maddələrin təsirindən qorunması istiqamətində ciddi işlər aparması yaxşı haldır. Fikrimcə, ilk növbədə maarifçilik tədbirlərini gücləndirməklə, problemin aradan qaldırılmasını sürətləndirə bilərik. Atmosferi, ətraf aləmi çirkləndirməmək üçün hər kəs diqqətli davranmalıdır.
Maarifçilik problemin həllinə yardım etmədiyi təqdirdə, cərimələr tətbiq edilə bilər. İctimai iaşə obyektlərinin sahiblərinə də cərimələr tətbiq edilməsə, maarifçilik, xəbərdarlıq işə yaramayacaq”.
Qeyd edək ki, ETSN-in məlumatına görə, quruma ictimai iaşə obyektlərinin fəaliyyəti zamanı tüstünün, qazların iyi və qoxu yayılması ilə bağlı müraciətlər daxil olub. Buna görə də nazirlikdə araşdırma komissiyası fəaliyyətə başlayıb.
Aysel Aslan
