Vətəndaşların Əmək Hüquqlarının Müdafiə Liqası 15 saylı Yasamal l seçki dairəsinin 13 saylı orta məktəbdə yerləşən 12 saylı məntəqəsində "exit-poll" təşkil edib.
Vətəndaşlar "exit-poll" qutularına özləri yaxınlaşır, bəzi hallarda isə nümayəndələri məntəqədən səs verib çıxan hər 10 seçicidən birini "exit-poll" sorğusunda iştirak etməyə dəvət edirdilər.
"Exit-poll" nümayəndəsi Sevda Davudova "Sherg.az"ın əməkdaşına açıqlamasında bildirib ki, seçkilərin başladığı müddətdən səsvermədə iştirak edən seçicilərin rəylərini öyrənməyə çalışır:
"Müşahidə apardığımız məntəqənin qapıları 07:55-də açıldı. 08:00-da isə seçicilər məntəqəyə gələrək səs verməyə başladılar. Seçicilərin aktivliyi müşahidə olunur.
Seçicilər səsvermə prosesindən razılıq ifadə edirlər. "Exit-poll"un sorğusunda iştirak edənlərin sayı 100-ü keçib. Bu, yaxşı göstəricidir”.
Aysel Aslan
