16 saylı Yasamal II seçki dairəsinin Bakı Dövlət Universitetində yerləşən 11 saylı məntəqəsində seçki prosesi davam edir.
Məntəqə sədri Daşqın Qənbərov deyib ki, saat 12-ə qədər səsvermə məntəqəsinə 600-ə yaxın seçici daxil olub:
"Ümumilikdə isə 1398 nəfər seçki məntəqəsində qeydiyyatdadır. Bu saata qədər heç bir qayda pozuntusu qeydə alınmayıb".
"Sherg.az"ın məntəqədə olan əməkdaşının verdiyi xəbərə görə, D. Qənbərov bildirib ki, seçki məntəqəsində ATƏT Parlamentariləri, Türkiyə, Pakistan, Banqladeş kimi ölkələri təmsil edən müşahidəçilər seçkini izləyib:
"Hazırda isə Fransadan gələn müşahidəçilər seçki prosesini müşahiə edirlər. Onlar bizə seçki prosesindən çox razı qaldıqlarını bildirdilər.
Fransız müşahidəçilərin sözlərinə görə, seçki prosesində qeydiyyatdan çıxma sənədinin verilməsini, vətəndaşların hüquqlarlnın təmin eilməsini çox müsbət qiymətləndirirlər. Onlar qeyd etdilər ki, bu təcrübəni öz ölkələrinə tətbiq etməyi də düşünəcəklər".
Qeyd edək ki, vətəndaşlar bu gün axşam 20:00-a qədər qeydiyyatda olduqları seçki məntəqələrinə gələrək seçkilərdə iştirak edə bilərlər.
Aysel Aslan
