"V Ümumdünya Mədəniyyətlərarası Dialoq Forumunun Azərbaycanda keçirilməsi ölkəmiz üçün olduqca vacibdir”.
Bu sözləri "Sherg.az”a açıqlamasında millət vəkili Rüfət Quliyev deyib.
Deputatın sözlərinə görə, Azərbaycan bütün dünyaya açıq olan dünyəvi ölkədir:
"Biz hər kəslə dialoq qurmağa və münasibtələrimizi inkişaf etdirəməyə hazırıq. Bu, Azərbaycan prezidentin birmənalı, məntqli və düşünülmüş siyasətidir. Milyonlarla soydaşlarımız bu siyasətə müsbət fikir bildirirlər.
Xaricdə yaşayan vətəndaşlarımızla görüş zamanı da bunun şahidi oluruq. Ukraynada və Sankt -Peterburqda daimi olaraq diasporlarımızla görüşürük. Soydaşlarımızın cənab Prezidentə məhəbbətini açıq-aydın hiss edirik. Onlar ölkə başçısının siyasətini dəstəkləyirlər və hesab edirlər ki, həqiqətən də Azərbaycan dünyəvi bir ölkəyə çevrilib”.
Parlament üzvü xatırladıb ki, ermənilər istədikləri zaman Azərbaycana gəlirlər:
"Baxın görün, hansısa azərbaycanlı Ermənistana gedirmi? Amma ermənilər bura gəlir və biz onların toxunulmazlığına, problemlərin yaşanmamasına zamin dururuq ki, neqativ hallar yaşanmasın. Ona görə də biz dünyəvi dövlət və cəmiyyətik. Bugünkü forumda mən də iştirak edirdim və qonaqlarla ünsiyyətdə olmuşam. Hiss edirəm ki, insanlarda Azərbaycana qarşı böyük maraq var. Bu, bizim üçün olduqca önəmlidir”.
Qeyd edək ki, mayın 2-də Heydər Əliyev Mərkəzində "Ayrı-seçkilik, qeyri-bərabərlik və zorakı münaqişəyə qarşı fəaliyyət naminə dialoq quraq” şüarı altında V Ümumdünya Mədəniyyətlərarası Dialoq Forumu işə başlayıb. Azərbaycan Respublikasının Prezidenti İlham Əliyev və birinci xanım Mehriban Əliyeva Forumun açılış mərasimində iştirak ediblər.
Yeganə Bayramova
