Bu gün görkəmli yazıçı-publisist, filologiya üzrə fəlsəfə doktoru, ABR-in şöbə müdiri, BDU-nun müəllimi, DİM-in eksperti Natəvan Dəmirçioğlunu ad günü münasibətilə təbrik edən insanlara mən də özəl təbrikimlə qoşuluram.
"İki yüzilliyin Natəvanı”
Sən iki yüzilliyin
Ədib Natəvanısan,
Yurdun Azərbaycanın
Şərəfisən, şanısan.
Müəllimdən, alimdən-
Ustaddan dərs almısan,
Aramla, pillə-pillə
Zirvəyə ucalmısan.
Layiq olduğun adı
Almısan zamanında,
Qurub-yaratmaq eşqi
Ürəyində, canında.
Yuxusuz gecələrin
Verib şirin bəhrəsin,
Yol açmısan qəlbinə
İnamınla hər kəsin.
Həm müəllim, həm ədib...
Bu adları daşımaq
Şərəfsə də çətindi,
Vətən üçün, xalq üçün
Candan keçən mətindi.
Yurdunla fəxr edirsən
Zövq alırsan işindən,
Əsərlərin bəhs edir
Dövranın gərdişindən.
Qadir Allah nur verir
Qələminə, gözünə,
Xalq sevir, qiymət verir
Sənətinə, sözünə.
Nailə Süleymanlı 23.10.2017
