15 mart 2018-ci il tarixindən etibarən Azərbaycan Respublikasına səfər edən İran İslam Respublikası vətəndaşlarına giriş vizaları Azərbaycan Respublikasının beynəlxalq statuslu hava limanlarında rəsmiləşdiriləcək.
"Sherg.az"ın Xarici İşlər Nazirliyinə istinadən xəbər verir ki, bu barədə qurumun mətbuat xidmətinin rəhbəri Hikmət Hacıyev açıqlama verib. O, bu qərarın dost və qonşu ölkələr olan Azərbaycan və İran arasında humanitar, iqtisadi-ticarət əlaqələrinin daha da inkişafına və insanlararası təmasların artmasına əsaslı töhfə verəcəyinə ümidvar olduğunu bildirib.
