İrəvanın “Surmalu” ticarət mərkəzində baş verən partlayış nəticəsində ölənlərin sayı 7 nəfərə çatıb.
Bu barədə bazar ertəsi axşam Ermənistan Fövqəladə Hallar Nazirliyinin mətbuat katibi Hayk Kostanyan özünün “Facebook” səhifəsində məlumat verib.
Onun sözlərinə görə, dağıntılar altından yenicə daha bir kişi meyiti çıxarılıb.
“Hazırda yeddi ölü var. Axtarış-xilasetmə işləri davam edir”, - idarənin nümayəndəsi bildirib.
Mənbə: Sputnik Armenia
09:48
İrəvanın “Surmalu” bazarında baş verən partlayışda dağıntılar altında qalan 18 nəfərin axtarışları davam etdirilir.
Bu barədə ölkənin fövqəladə hallar naziri Armen Pambuxçyan jurnalistlərə bildirib.
O qeyd edib ki, dağıntılar altından ölənlər də daxil olmaqla 16 vətəndaş çıxarılıb.
“Hazırda barələrində məlumat olan 18 nəfərin axtarışları davam etdirilir. Onların ticarət mərkəzinə gələnlər və ya oranın işçiləri olduğu məlumdur. Hazırda 23 vətəndaş müxtəlif tibb məntəqələrində müalicə alır”, - erməni nazir deyib.
Onun sözlərinə görə, yanğın söndürülsə də, anbarda hələ də pirotexniki materiallar, eləcə də tez alışan plastik məmulatlar qalır və bir neçə gün ərzində yanğınlar baş verə bilər.
Mənbə: Sputnik Ermənistan
09:04
Bazar günü İrəvanın “Surmalu” topdansatış bazarında baş vermiş partlayış və yanğın nəticəsində ölənlərin sayı altı nəfərə çatıb.
Bu barədə Ermənistan Fövqəladə Hallar Nazirliyinin mətbuat katibi Hayk Kostanyan bildirib.
61 nəfər xəstəxanaya yerləşdirilib, onlardan 36-sının vəziyyəti orta ağır qiymətləndirilir.
Faktla bağlı cinayət işi açılıb, araşdırmalar aparılır.
Mənbə: Gazeta.ru
