Havanın çirklənməsinin gərgin həddə çatdığı Londonda qəribə bir təcrübə həyata keçirilib.
Ətrafın çirklənməsinin qarşısını almaq üçün qabaqlayıcı tədbirlər görən "Plume Labs” ictimaiyyətin bilgisini artırmaq üçün göyərçinlər vasitəsilə havanın çirklənməsinə nəzarət edən patrul yaradıb. Ətrafın mühafizəsi ilə məşğul olan "Plume Labs” ilə "DigitasLBin” reklam agentliyinin ortaq layihəsi olan bu göyərçinlər Londonun hava çirkliliyinin miqdarını ölçəcək. Kiçik bir jiletin köməyi ilə kürəklərinə çantalar yerləşdirilən göyərçinlər həmin çantalarda yer alan sensorlarla uçduqları bölgələrin nitrogen dioksit və ozon səviyyələrinin ölçülməsini təmin edəcək. İlkin olaraq, yalnız 10 quşun uçduğu patruldan əldə edilən məlumatlar mərkəzə ötürüləcək.
Quşların vəziyyətlərini görmək istəyənlər üçün layihənin veb saytı da fəaliyyət göstərir. Həmçinin, bu saytdakı xəritə vasitəsilə canlı olaraq izləmək mümkündür. Onu da deyək ki, layihə çərçivəsində @pigeonair twitter hesabına atılan tweetlerle London sakinlərinin olduqları bölgənin hava çirkliliyinə dair hesabatı da öyrənmək mümkündür. (milliyyet.com) Plume Labs tərəfindən 3 gün davam edəcəyi açıqlanan layihənin əsl məqsədi isə firmanın inkişaf etdirdiyi hava çirklənməsini ölçən cihazın daha çox könüllü tərəfindən istifadəsinə nail olmaqdır.
