Kabildə partlayış nəticəsində ölənlərin sayı 31 nəfərə çatıb.
APA-nın məlumatına görə, bu barədə "TOLOnews" telekanalı məlumat yayıb.
Partlayış nəticəsində 50 nəfərdən çox insan yaralanıb.
***
saat 12.11
Bu gün Kabildə baş verən partlayış zamanı ölənlərin sayı 9 nəfərə çatıb.
APA-nın məlumatına görə, bu barədə "TOLOnews" Əfqanıstan Daxili İşlər Nazirliyinə istinadən məlumat yayıb.
Partlayış nəticəsində 56 nəfər də yaralanıb.
Əfqanıstan DİN partlayışın terrorçu-kamikadze tərəfindən törədildiyini açıqlayıb. Hələ partlayışa görə heç bir qruplaşma məsuliyyəti öz üzərinə götürməyib.
***
saat 11.08
Bu gün Əfqanıstanın paytaxtı Kabildə seçicilərin qeydiyyat mərkəzinin qarşısında partlayış olub.
APA-nın "Pajvak" agentliyinə istinadən verdiyi məlumata görə, partlayış nəticəsində 4 nəfər ölüb, 15 nəfər yaralanıb.
İlkin məlumata görə, terrorçu-kamikadze üzərindəki partlayıcı qurğunu işə salıb. Hələlik partlayışa görə məsuliyyəti heç bir qrup öz üzərinə götürməyib.
