Türkiyənin Çanaqqala Universitetinin professoru, şair Məmməd İsmayıl ədəbiyyat tarixi qarşısındakı xidmətlərinə görə Ukrayna Ali Təhsil Akademiyası və Ukrayna Elm və Mədəniyyət Tarixi İnstitutunun 4 Oktyabır 2017 tarixli qərarıyla bu elm ocaqlarının fəxri doktoru adına layiq görülüb.
"Sherg.az" xəbər verir ki, Ukrayna Ali Təhsil Akademiyası Ukrayna Elm və Mədəniyyət Tarixi İnstitutunun direktoru Y.L.Mosengikin M.İsmayıla ünvanladığı məktubda deyilir: "Ukrayna Ali Təhsil Akademiyası və Ukrayna Elm və Mədəniyyət Tarixi İnstitutunun rəhbərliyi olaraq sizi Fəxri doktor adını almağınız münasibəti ilə ürəkdən təbrik edirik.
Sizin poetik yaradıcılığınız, rus və türk ədəbiyyatları tarixinə aid elmi çalışmalarınız və çoxillik ictimai, siyasi fəaliyyətiniz sözün tam anlamıyla sizə uluslararası şöhrət gətirib. Biz Sizin çoxyönlü fəaliyyətinizi; yaradıcılığınızı, elmi uğurlarınızı Ukraynadakı həmkarlarınıza çattırmaqla qürur duyacağıq”.
