"Biz ümid edirik ki, sakit və dinc şəraitdə seçki günü olacaq. Bu dəqiqə seçki prosesi ilə bağlı çox şərh verə bilməyəcəyik”.
APA-nın xəbərinə görə, bunu ATƏT-in ümumi qısamüddətli missiyasının rəhbəri, seçkilər zamanı ATƏT PA və ATƏT DTİHB müşahidəçiləri arasında koordinasiyanı həyata keçirən portuqaliyalı parlamentar, xanım Nilza de Sena deyib.
"Ümid edirəm ki, bu seçkilər insanların seçim və iradəsini ifadə edəcək. Bütün Azərbaycan xalqı ilə həmrəyliyimi ifadə edirəm və xoş niyyətlərimi çatdırıram”, - deyə o, söyləyib.
