Ölkə başçısı heç bir halda Dağlıq Qarabağ məsələsində güzəştə getmək istəmir. Hesab edirəm ki, bu, olduqca vacibdir”.
Bu barədə "Sherg.az”a Qarabağ Azadlıq Təşkilatının sədri Akif Nağı bildirib.
Onun sözlərinə görə, Azərbaycan cəmiyyətinin vahid qüvvə kimi Dağlıq Qarabağ məsələsində bir olması və eyni mövqedən çıxış etməsi əsas məqsədimiz olmalıdır:
"Ona görə də Cənab Prezident Qarabağla bağlı mövqeyidən geri çəkilmir. Bəzən ortaya müəyyən şübhəli məqamları atırlar. Guya Avaropa İttifaqı ilə sazişdə Azərbaycana güzəştə gedilmir.
Amma ölkə başçısının bu iddialara cavabı odur ki, Dağlıq Qarabağla bağlı münaqişə Azərbaycanın ərazi bütövlüyü, suverenliyi əsasında və beynəlxalq hüquqi normalara uyğun həll olunmalıdır. Ölkə başçısı demək olar ki, bütün toplantılarda, xüsusilə Nazirlər Kabinetinin iclasında bu mövqeyini bildirir”.
Qeyd edək ki, aprelin 30-da Prezident İlham Əliyevin sədrliyi ilə Nazirlər Kabinetinin ilin birinci rübünün yekunlarına və qarşıda duran vəzifələrə həsr olunan iclası keçirilib. Ölkə başçısı bildirib ki, Dağlıq Qarabağla bağlı Azərbaycanın mövqeyində heç bir dəyişiklik yoxdur və münaqişə ölkəmizin ərazi bütövlüyü, suverenliyi çərçivəsində, beynəlxalq hüququn normalarına uyğun həll olunmalıdır.
Yeganə Bayramova
