"Hərraclara çıxarılan dolların həcmi manatın məzənnəsinə təsir göstərəcək”.
Bunu Sherg.az-a iqtisadçı-ekspert Vüqar Bayramov deyib.
O bildirib ki, dünya bazarlarında neftin qiymətinin aşağı düşməsinə baxmayaraq, hələlik təsirlər yoxdur:
"Amma neftin bazar qiyməti manatın məzənnəsi üçün vacibdir. Çünki bazara dollar çıxaran Dövlət Neft Fondudur (ARDNF). Onun gəlirləri də neftin satışından əldə edilir. Neftin qiyməti çox olduqda ARDNF-nin gəlirləri də artır və bazara daha çox dollar çıxarır.
Hələlik 2017-ci il üçün ARDNF-nin gəlirləri təsdiq edilib. Ona görə, növbəti aylarda Mərkəzi Bankın mövqeyi önəmli olacaq. İstənilən halda neftin bazar qiyməti dolların məzənnəsi üçün həlledici olaraq qalır”.
Aysel Aslan
