Millət vəkili Elmira Axundova Milli Məclisin bugünkü iclasında hökumətin hesabatına münasibət bildirib.
"Sherg.az"ın xəbərinə görə, xanım parlamentari qeyd edib ki, hesabat obyektiv və prinsipial kriteriyalar üzrə hazırlanıb:
"Biz millət vəkillərinə real iqtisadi və maliyyə vəziyyətini doğru-dürüst göstərdiyi üçün hesabat müəlliflərinə təşəkkürümü bildirirəm.
Yaxşı haldır ki, çətinliklərə rəğmən dövlət bir çox layihələrini, xüsusən sosial layihələri dayandırmayaraq, əksər vacib işləri və islahatları həyata keçirdi.
Hesabata nəzər saldıqda görürük ki, ötən illə müqayisədə istehsal edilən Ümumi Daxili Məhsul (ÜDM) 0,1 faiz artaraq 60 milyard manatdan 70 milyard-a qədər yüksəlib. Burada əsas artım qeyri-neft sənayesi olan kənd təsərrüfatı, tikinti, nəqliyyat, rabitə və digər bu kimi sahələrdə müşahidə olunur. 2016-cı illə müqayisədə 2017-ci ildə ölkənin qeyri-neft sektorundan əldə olunan ÜDM-un miqdarı 2,7 faiz artaraq 440 milyard manatı keçib.
Bu da son illərdə neft gəlirlərinin səviyyəsindən asılı olmayaraq ölkə iqtisadiyyatının neft sektorundan asılılığının azaldılması və ölkəmizin ixrac imkanlarını genişləndirilməsi məqsədi ilə, qeyri-neft sektorunun yüksək inkişaf tempini təmin etmək üçün qeyri-neft məhsulları ixracının stimullaşdırılması və təşviqi, iqtisadiyyatın şaxələndirilməsi və investisiya qoyuluşunun sürətləndirilməsi ilə bağlı Prezident İlham Əliyev tərəfindən verilən tapşırığın uğurla icra edildiyini göstərir. Bütün bunlara görə keçən dövrdə hökumətin fəaliyyətini qənaətbəxş hesab edirəm".
Ayyət Əhməd
