"Avtobus dayanacaqlarında siqaret çəkənlər cərimələnəcəklər”.
Bunu "Sherg.az”a dayanacaqlarda siqaret çəkməyin qadağan edilməsinə münasibət bildirərkən Siqaretsiz Həyat İctimai Birliyinin sədri İradə Polad söyləyib.
Onun sözlərinə görə, avtobus dayanacaqlarında sərnişinlərin siqaret çəkməsininə dair qərarı BNA verib:
"Sadəcə olaraq, siqaretin müəyyən edilmiş ərazilərdə istifadəsinə qadağa qoyulacaq. Onlar siqareti bir dəfəlik qadağan edə bilməzlər. Ona görə də sərnişinlər üçün qadağan edilmiş ərazilərdə siqaret çəkilməsə, yaxşı olar. Avtobusda, dayanacaqlarda ümumiyyətlə kütlə içərisində siqaret çəkmək doğru deyil”
Bu proseslə bağlı nəzarət mexanizminin təşkilinə gəlincə, İ.Polad qeyd edib ki, əslində dayanacaqlara elan yerləşdirilibsə, buna əməl edilməlidir:
"Qaydalara əməl etməyənlər maddi cəza almalıdırlar. Hətta həmin qərarla bağlı elanın yanında siqaretinin insan orqanizminə zərərlərini əks etdirən fotolar da yerləşdirmək olar. Bu zaman həmin sərnişinlər məsuliyyət hiss edəcəklər. Verilmiş qərarı bu cür yollarla təbliğ etməyik. İnsanlar bəzən etik qaydalara əməl etmirlər. Bir dəfə cərimələnsələr, qərara əməl edəcəklər. Bu qərarı BNA veribsə, ona nəzarəti də bu qurum həyata keçirməlidir”.
Qeyd edək ki, Bakıda avtobus dayanacaqlarında siqaret çəkmək qadağan edilib.
Bu barədə "Sherg.az"aBakı Nəqliyyat Agentliyindən bildirilib.
Məlumatda qeyd olunur ki, bu məqsədlə "Tütün məmulatlarının istifadəsinin məhdudlaşdırılması haqqında" Azərbaycan Respublikası Qanununun tələbinə uyğun olaraq Bakı Nəqliyyat Agentliyi tərəfindən quraşdırılan dayanacaq pavilyonlarına xəbərdarlıq elanları vurulub. Xatırladaq ki, qanun qüvvəyə mindikdən dərhal sonra Bakı Nəqliyyat Agentliyində paytaxtda müntəzəm sərnişindaşıma fəaliyyəti ilə məşğul olan fiziki və hüquqi şəxslərlə görüş keçirilib. Qeyd edilən qanunun tələblərinin yerinə yetirilməsi istiqamətində zəruri tədbirlərin görülməsi ilə bağlı tapşırıqlar verilib.
Kənan Eynuroğlu
