Aprelin 18-də Binəqədi rayonunun Sulutəpə qəsəbəsində quduz it dişləmiş uşağın vəziyyəti yaxşıdır.
"Sherg.az" xəbər verir ki, bu barədə Lent.az-a 1 saylı Tibbi Kliniki Xəstəxanın üz-çənə cərrahiyyə şöbəsindən məlumat verilib: "Cərrahi əməliyyat aparılaraq uşağın yanağının parçalanmış hissəsi tikilərək bərpa edilib".
Məlumatda hazırda xəstənin vəziyyətinin normal olduğu bildirilib: "Profilaktik olaraq müalicə davam edir".
Qeyd edək ki, Bakıda azyaşlı quduz itin hücumuna məruz qalıb. ONA xəbər verir ki, hadisə aprelin 18-də Binəqədi rayonunun Sulutəpə qəsəbəsində baş verib.
Belə ki, it küçədə 2015-ci il təvəllüdlü Məmişov Hüseyn Qismət oğluna hücum edib. Quduzlaşmış it azyaşlının yanaq nahiyəsini parçaladıqdan sonra ölüb.
Ağır yaralanan 4 yaşlı uşaq 1 saylı Klinik Xəstəxanaya aparılıb, quduzluq əleyhinə zərdab vurulub.
