Dənizlidə, bel yırtığı şikayətiylə xəstəxanaya gedən 61 yaşlı Rukiye Dinger rentgen çəkdirən zaman, 58 ildir üzündə 1 santimetrlik dəmir parçasıyla yaşadığını öyrəndi.
Təqaüdçü Rukiye Dinger 1958-ci ildə üç yaşında olarkən, qonşusunun odun qırmasını izlədiyi zaman bir metal parçası üzünün sol tərəfinə dəyir. Üzü qanayan və dərisi açılan Dinger, ailəsi tərəfindən xəstəxanaya aparılıb. O zamankı imkanlarla üzünə girən metal parçası fərq edilməyən Dingerin yarasına tikiş atılıb, müalicə edildikdən sonra xəstəxanadan buraxılıb. İki uşaq anası Dinger, üzündəki metal parçasını heç fərq etməyib və 58 il belə yaşayıb.
Nəhayyət belindəki yırtıq səbəbiylə iki həftə əvvəl xəstəxanaya gedən Rukiye Dingerə rentgen çəkilməsinə qərar verilib. Cihaz işlədildiyi an maqnetik çəkiliş səbəbiylə Dingerin üzündəki metal parça hərəkət edib, ağrı verməyə başlayıb. Rentgen çəkilişi ləğv edilən Rukiye Dinger, daha sonra xüsusi sağlamlıq xəstəxanasına müraciət edərək Qulaq Burun Boğaz Mütəxəssisi Opr. Dr. Əli Yüksəl tərəfindən müayinə olunub. Əvvəl əllə müayinə edən Dr. Yüksəl, metal parçanı fərq edib tomoqrafiya çəkilişi istədi. Radyoloji Mütəxəssisi Dr. Nuru Başgün tərəfindən aparılan tomoqrafiya çəkilişinin ardından Dingerin üzündə, dərinin altında 1 santimetr uzunluğunda metal parçası olduğu təyin olundu.
Qulaq Burun Boğaz Mütəxəssisi Opr. Dr. Əli Yüksəl, tərəfindən lokal anestesiyle əməliyyata alınan Dingerin üzündəki metal parçası 58 il sonra çıxarılaraq, estetik tikiş atıldı. Rukiye Dinger, üzündə metal parçasının olduğunu öyrənincə təlaş yaşadığını ifadə edərək, "İndiyə qədər üzümdəki metal parçasını heç fərq etmədim. Əməliyyatla metal çıxarıldı və indi yaxşıyam. 58 il boyunca onunla yaşamışam” deyib.
