Jurnalist Seymur Əliyev Milli Məclisə maraqlı təklif verib. Həmkarımız təklifində ölkəmizin ərazi bütövlüyü uğrunda şəhid olan bütün hərbçilərin ailələrinin kommunal xərclərdən azad edilməsini təklif edib.
O bildirib ki, şəhid ailələrinin hətta bir neçə il müddətində belə kommunalı xərclərdən azad edilməsi onların sosial yaşamını əhəmiyyətli dərəcədə yaxşılaşdıra bilər: "Şəhid ailələrinin əsas qayğılarından biri kommunal xərclərlə bağlıdır. Odur ki, Milli Məclisin bu məsələyə həssaslıqla yanaşacağını güman edirəm. Ümidvaram ki, ölkə parlamenti cəmiyyət tərəfindən də rəğbətlə qarşılanacaq bu məsələnin hüquqi müstəvidə həllini təmin edəcək və şəhid ailələrini kommunal ödəniş yükündən azad edəcək”.
Təklifi dəstəkləyən millət vəkili Fazil Mustafa "Şərq”ə bildirib ki, belə bir addım şəhid ailələrinin vəziyyətini yaxşılaşdırmaqla yanaşı, Silahlı Qüvvələrdə də ciddi ruh yüksəkliyinə səbəb ola bilər: "Hesab edirəm ki, şəhid ailələrinin kommunal xərclərdən azad edilməsi nəinki mümkündür, bu, həm də zəruridir. Bütün şəhid və qazi ailələrinin kommunal xərclərdən azad edilməsi orduda ciddi ruh yüksəkliyi yarada bilər”.
Ayyət
