"Vəziyyət elədir ki, Ankara hökuməti nə Rusiya ilə bağladığı müqaviləni poza bilər, nə də Amerikanın şərtləri yerinə yetirə bilər”.
Bunu "Sherg.az”a açıqlamasında siyasi elmlər doktoru, professor Cümşüd Nuriyev deyib.
Professor bildirib ki, Türkiyə Rusiya ilə müqavilə bağlamazdan öncə ABŞ-ın reaksiyasını nəzərə almalı idi:
"Türkiyəyə qarşı hərbi terrordan iqtisadi terrora keçilir. Türkiyənin yeganə çıxış yolu Rusiya ilə münasibətləri korlamamaqdır. Əks təqdirdə Türkiyədə dövlət çevrilişi olacaq. Bu, birmənalıdır. Ölkə başçısı Ərdoğan özünü də, Türkiyəni böyük bir tələyə salıb. Proses bu şəkildə davam edərsə, Vaşinqton çalışacaq ki, Türkiyədə dövlət çevrilişi etsin”.
C.Nuriyevin sözlərinə görə, Tramp siyasətçi deyil, biznesmendir:
"Amerikada dərin dövlətin idarəetməsində silah alverçilərinin rolu çox böyükdür. Rəsmi şəkildə bildirildi ki, 2018-ci ildə ilk dəfə olaraq ABŞ-ın hərbi xərcləri 6 faizdən çox artıb. Bu, heç də kiçik rəqəm deyil. Türkiyə silahlanma siyahısında ilk onluğa düşmür, amma Rusiya onluqda yeddinci yerdə dayanır. Bu, o deməkdir ki, Ağ Ev Türkiyənin Rusiyadan S -400 raketlərini almasını qətiyyən istəmir. Vaşinqton çox yaxşı bilir ki, S -400-lər ABŞ-ın raket komplekslərini sıradan çıxarmaq gücündədir”.
Qeyd edək ki, Türkiyə prezidenti Rəcəb Tayyib Ərdoğanın amerikalı həmkarı Donald Trampla telefon danışığı olub. Ərdoğan Trampa Rusiyadan alınan S-400 müdafiə sisteminin tədarükü ilə bağlı işçi qrupunun yaradılmasını təklif edib.
İsmayıl
