"Neftin qiymətinin artması OPEC-in noyabr ayında keçiriləcək konfransı ilə bağlıdır”.
Bunu "Sherg.az”a Azərbaycan neftinin bahalaşmasının səbəblərini izah edərkən Neft Araşdırmaları Fondunun rəhbəri İlham Şaban deyib.
O bildirib ki, bu konfrans qabağı pozitiv fikirlər səsləndirilir:
"Səudiyyə Ərəbistanı və Rusiyadan bazara ümidverici proqnozlar ötürülür. Səudiyyə Krallığının dövlət neft şirkəti anons etmişdi ki, noyabr ayından özünün neft ixracını azaldacaq. Bazara əsas təsir edən amillər bunlardır.Noyabr ayının 10-da OPEC-in oktyabr ayı üzrə göstəriciləri açıqlanacaq. Buna qədərki dövrdə isə ilkin məlumatlar olacaq ki, anons edilən göstəricilər reallıqda nə səviyyədədir. Buna uyğun bazarda düzəliş olacaq”.
Qeyd edək ki, "AzeriLight" markalı neftin 1 barelinin dəyəri 0,73 dollar və ya 1,19% artaraq 62,20 dollar təşkil edib.
Aysel Aslan
