Türkiyə xarici işlər naziri Mövlut Çavuşoğlu, Moskvada rus həmkarı Sergey Lavrovla birgə mətbuat konfransı keçirib. Çavuşoğlu Afrinədəki "Zeytun budağı” əməliyyatı haqqında bu ifadələrdən istifadə edib:
"Suriyanın torpaqlarında kimsə təhdid yaratmamalıdır. Terrorçuların bura sığınmasına yol vermək olmaz. ABŞ müşahidə edir, nə olduğunu görürlər. Münbiç və YPG-in nəzarət etdiyi yerlərin sabitliyə qovuşdurulması istiqamətində bir anlayış var. İşçi qrup var, Reks Tillerson vəzifədən ayrıldığı üçün Vaşinqtonda ABŞ-la planlaşdırdığımız toplantı təxirə salına bilər. ABŞ-ın yeni xarici işlər naziri ilə eyni anlayışla çalışmaq istəyərik".
