"ABŞ dövlət katibi Reks Tillerson və bu ölkə prezidenti Donald Trump arasında dərin fikir ayrılığının olmasına dair məlumatlar dolaşırdı”.
Bunu "Sherg.az”a R.Tillersonun vəzifəsindən azad olunmasının səbəblərini şərh edərkən "Atlas" Araşdırmalar Mərkəzinin rəhbəri,politoloq Elxan Şahinoğlu söyləyib.
O bildirib ki, R.Tillerson fəaliyyəti dövründə müstəqil qərarlar verirdi:
"O, dövlət katibi kimi xarici siyasəti müəyyənləşdirmək istəyirdi. Amma Tramp bununla razılaşmırdı. Amerika prezidentinin keçirdiyi müşavirələr, xaricə səfərləri və s. də Tillersonla razılaşdırılmırdı. Ona görə, fikir ayrılıqları daha da böyüyürdü.
İranın nüvə proqramı məsələsinə gəlincə, R.Tillerson ABŞ-İran sazişinin tərəfdarı idi. Amma Tramp bunu dəstəkləmirdi. Ona görə də, Tramp Tillersonla yolları ayırmağa qərar verib.
Mayk Pompeonun dövlət katibi təyin edilməsinin səbəbi isə Trampın tapşırıqlarını yerinə yetirməsidir. Onun təyinatı Trampa problemlər də yarada bilər. Çünki bu şəxsin Türkiyə və İrana çox tənqidi münasibəti var. Amerika İranla razılaşmaza, vəziyyət gərginləşəcək. Tillerson Ankaraya Suriya məsələsində əməkdaşlıq olacağını vəd etmişdi. Pompeonun Türkiyə ilə bu əməkdaşlığa gedəcəyi sual altındadır”.
Qeyd edək ki, D.Tramp R.Tillersonun işdən çıxarılmasını İranın nüvə proqramı ilə bağlı bəzi məqamlarda razılığa gələ bilməmələri ilə izah edib.
Aysel Aslan
