"Xərçəng xəstəliyinin səbəbləri hələlik tam müəyyənləşməyib”.
Bunu "Sherg.az”a 2017-ci ildə 105 uşağın xərçəng xəstəliyindən dünyasını dəyişməsinin səbəblərini izah edərkən tibb elmləri doktoru, professor Adil Qeybulla söyləyib.
O vurğulayıb ki, xərçəng xəstəliyinin əsas göstəriciləri hüceyrələrin bölünməsinin, ümumi orqanizmin nəzarətdən çıxmasıdır:
"Hüceyrələr nəzarətdən çıxmış şəkildə bölünəndə müəyyən dövrdən sonra yayılır, orqanizmin resurslarından istifadə edir, onu üstələyir.
Xərçəng xəstəliyinin araşdırılması isə bağlı böyük irəliləyişlər var. Amma indiyə qədər ideoloji səbəb tam identifikasiya olunmayıb. Burada konsoligen maddələrin, radiasiyanın, virusların, müxtəlif mexaniki zədələnmələrin, xroniki iltihab proseslərinin ciddi şəkildə rolu təsdiq olunub. Amma onu yaradan konkret səbəb yoxdur.
Xərçəng xəstəliyi həmişə olacaq. Sadəcə bu xəstəliyin müalicəsi ilə bağlı doktrinalar dəyişir, yenilənmə baş verir. Amma bu məsələnin həll olunmasına uzun müddət vaxt lazımdır”.
Qeyd edək ki, Dövlət Statistika Komitəsinin məlumatına görə, 2017-ci ilin statistikasına əsasən, Azərbaycanda 45756 xəstə bədxassəli yenitörəmə diaqnozu ilə qeydiyyatdadır. Onlardan 17149-u kişi, 28607-si qadındır. Həmçinin ötən ilin statistikasına görə, Azərbaycanda qeydiyyatda olan xərçəng xəstələrindən 483-ü uşaqdır. Ötən il yenitörəmələrdən ölən 0-17 yaşda uşaqların sayı 105 nəfər təşkil edib.
Aysel Aslan
