"Hər bir ölkədə mərkəzi icra hakimiyyəti orqanlarını birləşdirərkən həmin ölkənin iqtisadi göstəricilərini, fəaliyyət göstərən sahələrini, əhalisinin sayını, coğrafiyasını və s. amilləri nəzərə almaq lazımdır”.
Bunu "Sherg.az”a Gürcüstanda 4 nazirliyin ləğvi məsələsinin bu sayaq islahatların Azərbaycanda da baş tutmasını gündəmə gətirməsindən danışan "Konstitusiya” Araşdırmalar Mərkəzinin rəhbəri Əliməmməd Nuriyev deyib.
Onun sözlərinə görə, Gürcüstanda elə nazirliklər var idi ki, onların birləşdirilməsi zəruri idi:
"Gürcüstanda da bu kimi məsələlər nəzərə alınaraq, islahatlar həyata keçirildi. Xüsusilə maliyyə böhranı baş verirsə, xərclər böyüyürsə, bu zaman istənilən hökumət öz strukturlaruna yenidən baxıb, daha optimal dəyişikliklər edə bilər. Azərbaycanda lazım olduqda belə islahatlar aparılır.
Gürcüstanda nazirliklər azalıb, lakin agentliklərin sayı heç də az deyil. Ona görə, Azərbaycanda da bəzi nazirliklər ləğv edildi, digəri ilə birləşdirildi. Bu proses indi də davam edir. Belə islahatlar iqtisadiyyatın daha da optimallaşdırılması ilə bağlı olan məsələdir. Eyni zamanda daha da geniş islahatların aparılması, dövlət aparatının məhdudlaşdırılmasına ehtiyac var. Amma burada müvafiq tarazlığın qorunması da vacibdir.
Azərbaycanda iqtisadiyyatın inkişafı ilə bağlı strateji yol xəritəsi qəbul edilib. Bu yol xəritələrində həm də struktur dəyişikliklərinin aparılması nəzərdə tutulur və işlər aparılır”.
Aysel Aslan
