Zaqatalada zəlzələ olub
Bu gün yerli vaxtla saat 17:45-də Zaqatala rayonu ərazisində zəlzələ baş verib.
Respublika Seysmoloji Xidmət Mərkəzinin direktoru Qurban Yetirmişli APA-ya açıqlamasında bildirib ki, zəlzələ yaxın yaşayış məntəqələrində 2.6 bal gücündə hiss olunub: "Maqnitudası az olduğu üçün onu hamı hiss edə bilmir. Çünki təkanlar dərinliyə nüfuz edir. Çox az adam bu təkanı hiss edib. Qorxulu heç nə yoxdur”.
