"Bakıda qohum - əqrabasını gördüyü üçün çox sevincli idi... Amma dedi ki, Şuşanı, ata-baba yurdumu görmək qismət olmadı”
"Sürəyya xanımdan müsahibə alarkən ona "Siz Vətən deyəndə Türkiyəni, yoxsa Azərbaycanı nəzərdə tutursunuz?” deyə sual vermişdim. O da cavabında "Şuşa” demişdi...”
"Səməd Ağaoğlu Azərbaycanda olarkən ata-baba yurdu Şuşaya getmiş, babası Mirzə Həsən bəyin evinin fotosunu çəkmişdi. Hansı ki, həmin evdə Əhməd bəy və babam Hüseyn bəy dünyaya gəlmişdi...”
"Uşaqlarımız həmin adlarla böyüyürlər. Öz soy-köklərini unutmur, kimin nəslindən olduqlarını daim xatırlayırlar. Əhməd bəyin adı isə Türkiyədəki nəticələrindən ikisinə verilib”.
"Əhməd bəy Ağaoğlunun yubileyi ilə bağlı verilən Sərəncam təkcə Azərbaycanda, Türkiyədə deyil, eləcə də bir çox ölkələrdə böyük sevinclə qarşılanıb”
Türk dünyasının böyük fikir adamı, tanınmış ictimai-siyasi xadim Əhməd bəy Ağaoğlunun 150 illik yubileyi ilə bağlı verilən Sərəncam tarixçilər və ziyalılarla yanaşı Ağaoğlu ailəsinin fərdlərini də məmnun edib. Rusiyada diplomatiya sahəsində fəaliyyət göstərən ziyalı xanım, Ağaoğlu ailəsinin üzvü Nigar Axundova da Moskvadan "Şərq”ə danışıb. Mütəfəkkir Əhməd bəy Ağaoğlu və varisləri haqqında qəzetimizə müsahibə verən Nigar xanım maraqlı məqamları və xatirələri bizimlə paylaşıb. Həmçinin, şəxsi arxivində yer alan Ağaoğlu ailəsinə məxsus nadir fotoları da dərc olunmaq üçün redaksiyamıza göndərib. Məlumat üçün bildirək ki, sənətşünaslıq üzrə elmlər doktoru olan Nigar xanım Axundova Azərbaycanın Rusiyadakı səfirliyinin mədəniyyət üzrə attaşesidir.
Nigar xanımla geniş söhbəti "Şərq” qəzetinin sabahkı sayında oxuya bilərsiniz.
