Bu gecə uzun sürən xəstəlikdən sonra vəfat etmiş maliyyə nazirinin birinci müavini İlqar Fətizadə dəfn olunub.
“Report” xəbər verir ki, İ.Fətizadə Bakıdakı “Qurd qapısı” qəbirstanlığında torpağa tapşırılıb.
11:29
Maliyyə nazirinin birinci müavini İlqar Fətizadə “Qurd qapısı” qəbiristanlığında dəfn olunacaq.
“Qafqazinfo”nun məlumatına görə, vida mərasimi saat 13:00-da İlqar Fətizadənin Yasamal rayonu İ.Qutqaşınlı küçəsində yaşadığı binada keçiriləcək.
10:08
Maliyyə naziri Samir Şərifovun birinci müavini İlqar Fətizadə vəfat edib.
“Qafqazinfo”nun əldə etdiyi məlumata görə, o, bu gecə dünyasını dəyişib.
Qeyd edək ki, İlqar Fətizadə 1956-cı il sentyabr ayının 30-da anadan olub.
1992-ci ilin aprel ayında maliyyə nazirinin müavini, dekabr ayında isə Dövlət Sosial Müdafiə Fondu sədrinin birinci müavini vəzifəsinə təyin olunub.
1999-cu ildən maliyyə nazirinin birinci müavini idi.
