Müasir dünyada bir çox insan asan yolla pul qazanmaq istəyir. Avstraliyada yaşayan Youtuber belə insanlardan biridir. Amerikalı İT mütəxəssisi saniyələr ərzində milyonlarla dollar qazanır. Sherg.az xəbər verir ki, qurduğu sistemlə bəzilərinin rəğbətini qazanan, bəzilərini də dəli edən adamın hər kəsdən gizlətdiyi üsul böyük maraq doğurur. BƏS, Van de Paarın gizli şifrəsi nədir?
18 ildir yayımlanan video platforması Youtube 2005-ci ilin fevral ayından etibarən bir çox insanın vazkeçilməz halına gəlib. Bu gün bir çox insanın yemək yeyərkən və ya bilmədiyi bir mövzu haqqında məlumat almaq istəyəndə belə istifadə etdiyi bu rəqəmsal platformada təxminən 800 milyondan çox video var. Üstəlik, bu videoların sayı günü-gündən artır. İstifadəçilər onlara alqoritmik üstünlük verəcək strategiyaya əməl edərək, müntəzəm olaraq platformaya video yükləməyə davam edirlər. Ancaq onlardan biri var ki, onun alqoritmi tamamilə fərqlidir. Avstraliyada yaşayan və şəxsi hesabında 2 milyon video yüklənmiş Youtuber Roel Van de Paar inanılması çətin bir iş görür. Hesabına cəmi 15 saniyədən bir video yükləyən Van de Paar hər kəsi təəccübləndirməyə davam edir. Bəs Van de Paar bu inanılmaz hərəkətə necə nail olur?
Roel Van de Paar özəl texnologiya şirkətində baş sınaq mühəndisi işlədiyi halda, başqa bir şirkətdə direktor vəzifəsində də çalışır. Bu o deməkdir ki, o, eyni anda iki işdə işləyir. Belə gərgin tempdə o, hələ də vaxtını YouTube-a ayırır və hər 15 saniyədən bir bu platformaya video yükləyir. Təəccüblü və qəribədir. deyilmi?
Van de Paar məşhur inancın əksinə olaraq vaxtının çox hissəsini YouTube-da keçirmir. İT mütəxəssisi olmaq ona yalnız əhəmiyyətli bir üstünlük verir ki, o, eyni vaxtda çox şeyi rahatlıqla edə bilir. İnformasiya texnologiyaları ilə tanış olmaq ona proqram təminatı, kompüter şəbəkələri və aparat kimi alətlərdən istifadə edərək sistem qurmağa kömək edir. Bu yolla Van de Paar kompüterlə istədiyi texnologiyanı yarada bilir. Məhz buna görə saniyələr ərzində YouTube-a video yükləmək onun üçün əslində o qədər də çətin deyil.
2 milyon videonun çoxu cəmi 1-2 dəqiqədir. Əvvəlcə bu bir girişdir. Daha sonra Roel Van de Paar özünü çəkdiyi bir neçə saniyəlik çıxış edir və videonun sonunda “Kanala abunə olmağı unutmayın” deyərək ekranı bağlayır.
O, hər 15 saniyədən bir YouTube-a video yükləyir. Gizli üsula heç bir pul ödəməyib.
Avstraliyada yaşayan fenomen, çox sadə bir axını olan bu 2 dəqiqəlik videoları bir neçə əmrlə avtomatik olaraq kompüterdə yaradır. Bu videonu yaratmaq və YouTube-a yükləmək 1 dəqiqədən çox çəkmir. Deməli, onun bütün bu videolar üçün saatlarla işləməsinə ehtiyac yoxdur.
Videolarında texnologiya ilə bağlı texniki məsələlərdən qısaca bəhs edən və videonun sonunda izləyicilərinə sual verən və cavabını sona saxlayan Van de Paarın hazırda 129 min abunəçisi var. Onun kanalındakı videolar məzmun baxımından normal bir gündə normal insanı maraqlandıracaq mövzular olmasa da, maraqlananlar üçün çox faydalıdır. Axtarış sisteminə daxil olub hər hansı mövzunu axtardığınız zaman Van de Paarın videolarına rast gəlmək ehtimalınız yüksəkdir. Maraqlı olmaya bilər, amma qurduğu sistem faydalı və davamlıdır.
Roel Van de Paarın hekayəsini eşidənlər onun etdiklərini maraqlı görür və onun haqqında yüksək danışırlar. Ancaq YouTube-da istədikləri şöhrəti qazana bilməyən bəzi ehtimal olunan fenomenlər onun etdiklərini “ədalətsizlik” kimi şərh edirlər. Onların fikrincə, Van de Paar səy göstərən insanlara qarşı haqsızlıq edir.
Onun platformaya cəmi 15 saniyə ərzində video yükləməsini inanılmaz hesab edənlər həqiqətən Van de Paarın məqsədi ilə maraqlanırlar. Hər kəsin bu suala verdiyi cavab olduqca sadədir: “Asan yolla davamlı gəlir əldə etmək”. Baxdıqda, Paar tərəfindən qurulan sistem məhz bu məqsədə xidmət edir.
Oturduğu yerdə, heç nə etmədən bir neçə kompüter əmri ilə YouTube-a video yükləyən Roel Van de Paar 2022-ci ildə “YouTube-a ən çox video yükləyən hesab” adı ilə Ginnesin Rekordlar Kitabına düşməyi bacarıb. .
Van de Paarın platformadan ən zəhmətsiz şəkildə gəlir əldə etmə qabiliyyətinin süni intellekt çağında nə qədər davam edə biləcəyi önümüzdəki dövrlərdə cavablandırıla biləcək bir sual olaraq indidən maraq oyadır.
