
Ekspert: 10 günlük distant təhsilə keçmək keyfiyyətə ciddi təsir göstərməyəcək
Yusif Nəzərli
15:00 04.08.2024
Elm və Təhsil
774
Yeniliklərə açıq və hazır olmalıyıq
“Təkcə beynəlxalq tədbirlər zamanı yox, adi vaxtlarda da bu təhsil formasının inkişaf etdirilməsində maraqlı olmalıyıq”
Bakıda COP29 konfransının keçirilməsilə əlaqədar məktəblərdə 2024-cü il noyabrın 12-dən 22- dək payız tətili elan olunub. Peşə, orta ixtisas və ali təhsil pillələri üzrə təhsil müəssisələrində isə sözügedən tarixdə Bakı və Sumqayıt şəhərlərində, Abşeron rayonunda distant formada təhsilə keçid elan edilib.
Nazirlər Kabinetinin “Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının keçiriləcəyi dövrdə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkilinə dair əlavə tədbirlər barədə” qərarında əksini tapıb.
NK-nın qərarının təhsilə təsirlərini dəyərləndirən “Azərbaycan Gənc Alim, Doktorant və Magistrlər Cəmiyyəti" İctimai Birliyinin sədri, təhsil eksperti İlqar Orucov "Sherg.az"a deyib ki, həm məktəblərin təhlükəsizliyi, həm də nəqliyyatın sıxlığını nəzərə alaraq tədrisin distant formaya keçirilməsi gözlənilən idi. Onun sözlərinə görə, təhsil ocaqlarının 10 gün müddətində distant təhsilə keçirilməsi ümumilikdə təhsilin keyfiyyətinə ciddi təsir göstərməyəcək:

“Peşə, orta ixtisas və ali təhsil pillələri üzrə Bakı və Sumqayıt şəhərlərində, Abşeron rayonunda distant formada təhsil tətbiqinə gəldikdə isə bu sahədə ölkəmizdə ənənə və praktika var. Bunun əsası isə COVID-19 pandemiyası zamanı qoyulub. Ona görə də 10 günlük məsafədən tədrisin hansısa bir fəsadının olacağını zənn etmirəm. Distant təhsilə keçəcək məktəblər şəhər məktəbləridir. İstər internetin təşkili, istərsə də texniki avadanlıqların təmini baxımından təhsil alanların və təhsil verənlərin imkanları yüz faizi təşkil edir”.
İ.Orucov həmçinin qeyd edib ki, sadəcə bu cür beynəlxalq tədbirlər və yoluxucu xəstəliklərin kütləvi yayılma riski olan zamanlarda yox, adi vaxtlarda da distant formada təhsilin inkişaf etdirilməsində maraqlı olmalıyıq:
“Distant təhsili bizim üçün aktual edən səbəblər var. Təhsiltutumlu ölkələrdə distant təhsilə önəm verilir. Məkan və zamandan asılı olmayaraq insanlar üçün təhsil almaq imkanları yaranır. Lakin biz bu prosesə tam hazır olmamış distant təhsili tətbiq etmək olmaz. Bunun üçün yeniliklərə açıq olmalıyıq. Distant təhsildə natamamlıq olmamalıdır. Distant təhsilin tətbiqi ilə bağlı mexanizmlər də hazırlanmalıdır. Müasir texnologiyalar sayəsində təhsilin məsafədən təşkili mümkündür. Distant təhsilin ölkəmizdə inkişaf etdirilməsi, ali təhsil müəssisələrində distant təhsil verilməsi imkanları var. Amma bunun üçün tədrisi həyata keçirən fənn proqramları, dərslik proqramları, infrastruktur olmalıdır”.
Oxşar xəbərlər
Xəbər lenti
Hamısına bax
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə
Krivoy-Roqa hava hücumu nəticəsində ölənlər və yaralananlar var
14:41 21.11.2026
Dünya
Şəkidə küçə iti 4 yaşlı qızı dişləyib
14:28 21.11.2026
Hadisə
Sensasion xəbər var, ABŞ prezidenti o olacaq - Tramp
14:19 21.11.2026
Dünya
Böyük Britaniyanın yenidən Aİ-yə qoşulması müzakirə oluna bilər
14:07 21.11.2026
Dünya
İtkin düşmüş kimi axtarışda olan 4 nəfər tapılıb
13:57 21.11.2026
Hadisə
Rusiya: Bir sutkada 464 Ukrayna PUA-sı vurulub
13:20 21.11.2026
Dünya