Bakıda sürücü avtomobillə qadını vurub öldürərək hadisə yerindən qaçıb.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, hadisə oktyabrın 4-ü saat 2 radələrində Səbail rayonunun Salyan şosesində qeydə alınıb.
Belə ki, həmin ərazidə bir qadın müəyyən edilməyən avtomobillə vurulub və o, hadisə yerində ölüb.
Səbail Rayon Polis Polis İdarəsinin 41-ci Polis Bölməsi və Əlahiddə Çevik Polis Alayı əməkdaşlarının keçirdikləri əməliyyat-axtarış tədbirləri nəticəsində həmin qadının Şirvan şəhər sakini Təhminə Qurbanova olması, yol-nəqliyyat-hadisəsinin isə “Hyundai” markalı avtomobillə törədilməsi müəyyən olunub.
Yol qəzasını törədərək hadisə yerindən yayınan həmin avtomobilin sürücüsü, Bakı şəhər sakini Anar Əliyev saxlanılıb.
Araşdırma aparılır.
