Rusiya ordusu havadan və dənizdən qanadlı raketlərlə müxtəlif istiqamətlərdən Ukraynaya hücum edib.
Bu barədə Ukrayna Silahlı Qüvvələrinin Hərbi Hava Qüvvələri komandanlığının “Telegram” kanalında yayılan məlumatda bildirilir.
Qeyd edilir ki, hazırda taktiki təyyarələrinin yüksək fəallığı müşahidə olunur.
Hərbi Hava Qüvvələri ukraynalıları sığınacaqlarda qalmağa çağırıb.
Rusiya raketinin Sumı vilayəti ərazisi üzərində məhv edilməsi barədə də məlumat yayılıb.
11:58
Rusiya Qara dənizə iki suüstü raketdaşıyıcı buraxıb. Ukraynalılara raket təhlükəsi barədə xəbərdarlıq edilib.
Qeyd edilir ki, 16 “Kalibr” raketi buraxılışa hazırdır.
Cümə axşamı səhər saatlarından Ukraynanın bütün mərkəzi və şərq bölgələrində hava xəbərdarlığı elan edilib.
Dnepropetrovsk, Nikolayev, Odessa, Poltava, Sumı və Xarkov vilayətlərində, həmçinin Ukraynanın nəzarətində olan Zaporojye və Xerson vilayətlərində xəbərdarlıq elan edilib.
Daha sonra onlara Vinnitsa, Jitomir, Kiyev, Kirovoqrad, Çerniqov və Çerkassı vilayətləri əlavə olunub.
Mənbə: RBC
