Bu gün səhər saatlarında Sumqayıt şəhəri İsmət Qayıbov küçəsini su basıb.
Oxu.Az-a verilən məlumata görə kanalizasiya sularının yola axması nəticəsində yolu su basıb və bu, nəqliyyat vasitələrinin hərəkətində problemlərə səbəb olub.
Sumqayıt şəhər İcra Hakimiyyətinin mətbuat katibi Eyvaz Qocayev Oxu.Az-a açıqlamasında bildirib ki, yağış kollektorunda tutulma olub:
“Hazırda “Azərsu” ASC-nin əməkdaşları tutulmanı aradan qaldırmaq üçün tədbirlər görürlər”.
“Azərsu” ASC-dən Oxu.Az-a verilən açıqlamada isə hadisə barədə Sumqayıt Sukanal İdarəsinə məlumat verildiyi bildirilib.
Həmin görüntüləri təqdim edirik:
