“Avropa Parlamentinin qətnamələri bizi qətiyyən maraqlandırmır. Sovet institutunu xatırladan varsa, o da təəssüf ki, bu gün SSRİ-nin Ali Şurasından heç nə ilə fərqlənməyən Avropa Parlamentidir”.
Teleqraf-ın yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
O, Avropa Parlamentində vəziyyətin çox acınacaqlı, narahatedici və faciəvi olduğunu bildirib.
“Ümid edirəm ki, bərpa prosesi və dəyişikliklər ilk növbədə Avropa Parlamentini əhatə edəcək”, - İ.Kobaxidze söyləyib.
Qeyd edək ki, ötən gün Avropa Parlamentinin Xarici əlaqələr komitəsində Gürcüstana dair tənqidi hesabat təsdiqlənib.
