İndoneziyada mədəndə baş verən uçqun nəticəsində dörd nəfər həlak olub.
Çinin “Sinxua” xəbər agentliyi xilasetmə xidmətinin nümayəndəsinə istinadən məlumat verir ki, İndoneziyanın qərbində, Jambi əyalətində yerləşən qızıl mədənindən dörd fəhlənin cəsədi çıxarılıb.
Digər mədən işçilərinin taleyinə aydınlıq gətirən xilasetmə xidmətinin nümayəndələri bildirib ki, mədəndə işləyən digər iki şəxs böyük ehtimalla, xilas olaraq qəzadan yayına biliblər.
Qeyd olunur ki, qızıl mədəni qanunsuz fəaliyyət göstərib.
