Səudiyyə Ərəbistanında 6 yaşlı Tamara Abdul Rahman zəhərli ilnanın sancması səbəbindən ölüb.
Lent.az-ın xarici mediaya istinadla verdiyi xəbərə görə, Abdul Rahman evlərində tualetə gedib.
Qızı gözlənilmədən unitazdan çıxan ilan sancıb. Uşaq təcili olaraq xəstəxanaya çatdırılıb. Həkimlərin səylərinə baxmayaraq, azyaşlı qızın vəziyyəti pisləşib. Reanimasiya şöbəsinə köçürülüb və orada tezliklə ölüb.
Mərhumun atasının dediyinə görə, pandemiya ilə əlaqədar məhdudiyyətlər yumşaldıqdan sonra qızı məktəbə qayıtmaq arzusunda idi. Ancaq Abdul Rahman sinif yoldaşları ilə görüşmədən və təhsilin başlamasından az əvvəl ölüb.
