Böyük Britaniya hökuməti qohumlarının yanına gələn ukraynalı qaçqınlar üçün krallığa giriş qaydalarını sadələşdirib.
Britaniya Daxili İşlər Nazirliyi qohumlarına qovuşmaq istəyən şəxslərin müraciətlərini sürətləndirmək üçün ailələrə viza verilməsi ilə bağlı görüşlərin sayını artıraraq, həftə ərzində 500-dən 6 000-ə qaldırıb.
Bundan başqa, ukraynalı qaçqınların ölkə ərazisində qalma müddəti də bir ildən üç ilə artırılıb.
Rəsmilər vəd ediblər ki, yaxın vaxtlarda qohumluq əlaqələri olmayan ukraynalılar üçün “məhdudiyyətsiz sponsorluq marşrutu” açılacaq və bu, icmalara, yerli hakimiyyət orqanlarına və digər sponsorlara Böyük Britaniyaya gəlmək istəyənləri dəstəkləməyə imkan verəcək. Hələ bu sxemin təfərrüatı üzərində işlənir.
Mənbə:The Guardian
