Xəbər verdiyimiz kimi, Dərbənd rayonunun Drujba kəndində yaşayan Pirova Zaira Nazimovna, (Nazim qızı) ötən ilin sentyabr ayında təhsil almağa getdiyi Vladikavkaz rayonunda itkin düşmüşdür.
24News.ge xəbər portalına onun valideyinlərinin verdiyi məlumata əsasən, Zaira Vladikavkaz tibb kollecinin 2 ci kurs tələbəsi olub.
Bildirilir ki, Zaira ötən ilin 9 sentyabr tarixində evdən kollecə getmək adı ilə çıxmış və bir daha geri qayıtmamışdır.
Hadisədən sonra ailə üzvləri onun evlənmək məqsədi ilə qaçırıldığını ehtimal edərək, təqribi olaraq 3 ay müddətində özləri axtarış ediblər. Bir nəticə əldə edə bilmədikləri halda, hüquq-mühafizə orqanlarının əməkdaşlarına məlumat verilmişdir.
Əldə olunan məlumata görə, Zaira Pirova dekabrın 21-də Moskva hava limanından Yeravan hava limanına uçuş edib. Dekabrın 22-də isə Ermənistan-Gürcüstan “Sadaxlı” gömrük-keçid məntəqəsi vasitəsi ilə Gürcüstana keçmişdir.
Pirova Zaira Nazimovnanın valideyinləri bu ilin 30 dekabr tarixində 24News.ge xəbər portalı vasitəsi ilə Gürcüstanda övladlarının axtarışını elan etmişdirlər. Yanvarın 9-da isə Zaira Nazim qızı ilə əlaqə yaranıb və gənc qız ailəsinə qovuşub.
