Gürcüstan güclü yağışların beynəlxalq əhəmiyyətli avtomobil yolunu yarasız vəziyyətə gətirməsi ilə əlaqədar Rusiya ilə sərhəddə "Kazbeqi" gömrük-keçid məntəqəsinin işini müvəqqəti dayandırıb.
Trend-in məlumatına görə, bu barədə Gürcüstan Maliyyə Nazirliyinin Gəlirlər Xidmətinin açıqlamasında deyilir.
Qeyd olunur ki, Dəryal dərəsində davam edən fövqəladə vəziyyətlə əlaqədar "Kazbeqi" gömrük-keçid məntəqəsində bütün prosedurlar dayandırılıb.
Məlumata əsasən, şiddətli yağıntılarla əlaqədar Terek və Devdoraki çayları məcradan çıxıb və nəticədə Rusiya sərhədinə aparan beynəlxal əhəmiyyətli yolun müəyyən hissəsi sıradan çıxıb.
