Səkkizinci aydır ki, qanlı Rusiya-Ukrayna müharibəsi davam edir. Ukrayna prezidenti Vladimir Zelenski Rusiyanın Ukraynanın enerji şəbəkəsini hədəf alan “yeni böyük hücuma” başladığını bildirib. Ukrayna lideri qeyd edib ki, hücumlar "çox geniş" miqyasda olub və Ukraynanın qərbində, mərkəzində, cənubunda və şərqində bəzi hissələrini vurub. O, əlavə edib ki, 1,5 milyona yaxın ev işıqsız qalıb.
Sherg.az türk mediasına istinadən xəbər verir ki, Zelenski həmçinin bildirib ki, hücumlarda istifadə edilən Rusiya raket və dronlarının əksəriyyəti vurulub və bu cür hücumlar Ukraynanın hərbi irəliləyişini dayandıra bilməyəcək.
Dünən axşam saatlarında paylaşdığı mesajla xalqına müraciət edən Ukrayna lideri deyib:
"Təbii ki, Rusiya raketlərini və pilotsuz uçan aparatlarını yüzdə 100 vurmaq üçün hələ texniki imkanımız yoxdur. Amma yavaş-yavaş bu nöqtəyə gələcəyik. Tərəfdaşlarımızın köməyi ilə buna əminəm”.
Digər tərəfdən, qismən səfərbərlik çərçivəsində çağırılan yeni rus əsgərləri artıq üsyan bayrağını qaldırmış kimi görünür. Bildirilir ki, son həftələr Rusiyada yeni xidmətə qəbul olunmuş rus əsgərləri cəmi bir neçə günlük təlim keçərək cəbhəyə göndərilib və hətta cəbhəyə göndərilən bu əsgərlərdən bəziləri artıq həyatını itirib.
Hərbi düşərgədə çəkilmiş kadrlarda hərbi geyimli əsgər digər əsgərlərə öz liderini devirməyi təklif etdikdən sonra həmyaşıdları tərəfindən utancaq alqışlarla qarşılanıb.
Adı açıqlanmayan ehtiyatda olan əsgər əsgərlərin Putinə və onun komandirlərinə hörmət etməməsindən danışıb və görünməyən bir məmuru insanları bu işə qoşulmağa təşviq edəcəyi ilə hədələdiyi üçün danlayıb.
Sibirdəki Tuva respublikasında çəkildiyi deyilən kadrlarda əsgər səfərbər olanların ailələrinə qoç hədiyyə etmək siyasətini ələ salıb. Alçaldıcı və istehzalı tonda danışan əsgər üsyan edib və bu ifadələri işlədib:
"Ailəmizə, uşaqlarımıza, böyük bir qoç, bir az da yemək verirsən. Bu nədir?
Ehtiyatda olan zabit, Putinin Rusiyada ağır cəzalarla üzləşə biləcəyinə dair qəhrəmancasına çıxışında yüksək rütbəli məmurlara hərbi xidmətə gedən zaman hədələndiklərini söyləyib.
“Onlar bizə dedilər ki, Ukraynaya getməsək, bizi həbs edəcəklər”, - deyə Tuva dilində danışan əsgər bildirib.
O, cəbhə xəttində lazımi texnikanın olmamasından şikayətlənərkən digər əsgərlərdən də dəstək alıb. Şəxsiyyəti məlum olmayan əsgər cəbhəyə gedənə qədər nə radiolarının kifayət qədər olduğunu, nə də corab verildiyini bildirib.
Camaatın alqış sədaları altında danışan əsgər "Artıq bizim gözümüzdə güc mərkəzinə oxşamırsınız. Bəlkə biz insanlar bir araya gəlib qərar verməliyik ki, siz yararsızsınız" əlavə edib:
Bizim kimi insanlar olmasa, kimin üzərində səlahiyyətiniz olacaq? Bütün çıxışlarınızı kimə deyəcəksiniz?
Kasıb bölgə olan Tuva müharibə zamanı çoxlu itkilər verib. Hətta paytaxt Moskvadan da çox. Bölgədə kişilərin döyüşə göndərilməsi ilə bağlı etirazlar da baş qaldırıb və bu etirazlar Putinin hüquq-mühafizə orqanlarının əməkdaşları tərəfindən şiddətli zorakılıqla yatırılıb.
