Polşada Yeni il atəşfəşanlığı nəticəsində 2 nəfər ölüb, daha 7 nəfər yaralanıb.
Bu barədə “Report” ölkənin Dövlət Yanğından Mühafizə Xidmətinin nümayəndəsi Karol Kejkovskinin açıqlamasına istinadən xəbər verir.
Onun sözlərinə görə, şənliklər zamanı pirotexniki vasitələrdən istifadə nəticəsində 700-ə yaxın yanğın hadisəsi qeydə alınıb: “Ən çox zibil qutuları və avtomobillər yanıb. Eyni zamanda Yeni il gecəsi pirotexniki vasitələrin partlaması nəticəsində 2 nəfər ölüb, daha 7 nəfər yaralanıb. Bundan başqa, 12 avtomobilə ziyan dəyib”.
Ümumilikdə, Yeni il ərəfəsində Polşada yanğınsöndürənlərə 1200 dəfədən çox zəng edilib, 149 çağırışın yalan olduğu üzə çıxıb.
