Zəlzələ balığı kimi tanınan, sahilə çıxdıqdan az sonra bölgədə zəlzələ olan balıq sosial mediada gündəm olub.
Sherg.az xarici mediaya istinadən xəbər verir ki, dalğıcın sosial mediada paylaşdığı və qısa müddətdə dünya mətbuatında manşetlərə çevrilən şəklin ünvanı Tayvandır. Normalda dənizin dibində yaşayan gümüş balığını səthə yaxın yerdə görən üzgüçülər dərhal onun yanına gediblər.
Zəlzələ balığının uzunluğu təxminən 2 metrdir. Karyerasında qarşılaşdığı ilk dəniz canavarının dalğıc təlimatçısı Wang Cheng-Ru, "O, ölürdü, ona görə də dayaz sulara üzdü" deyə bildirib.
Nəhəng balığın bədənindəki sirli dəliklər maraq doğursa da, mütəxəssislər bu dəliklərin köpəkbalığı hücumundan sonra yarana biləcəyini bildiriblər.
2011-ci ildə Yaponiyada baş verən böyük zəlzələdən əvvəl Fukuşimada səthə yaxın balıqlar tapılmışdı və o zaman bu vəziyyət heç bir məna kəsb etməmişdi. Zəlzələ mütəxəssisləri bu vəziyyətin dəqiq olmadığını deyirlər.
Kaqoşima Universitetindən zəlzələ üzrə alim Hiroyuki Motomura sosial mediada böyük marağa səbəb olan balıq haqqında danışıb. Balıqların səthə çıxmasının heç bir elmi əsasının olmadığını bildirən Motomura:
"İnsanların narahat olmasına ehtiyac yoxdur. Bunun zəlzələ ilə heç bir əlaqəsi yoxdur. Bu balıqlar fiziki vəziyyətləri pis olan zaman səthə çıxırlar" deyə bildirib.
Turan
