İran-Türkiyə arasında gecə uçuşlarının ləğv edilməsindən sonra Qərbi Azərbaycan əyalətinin Türkiyə ilə sərhəddə yerləşən Bazarqan gömrük-keçid məntəqəsində izdiham yaranıb.
Axar.az xəbər verir ki, bu barədə yerli mənbələr məlumat yayıb.
Təyyarə ilə Türkiyədən İrana qayıtmalı və İrandan Türkiyəyə getməli olan minlərlə insan quru sərhəddən keçmək üçün Bazarqana axın edib, nəticədə gömrük keçid məntəqəsində uzun növbələr yaranıb.
İsrailin İrana zərbələr endirmək təhlükəsi səbəbindən İrandan Türkiyəyə getmək istəyənlərin sayının daha çox olduğu bildirilir.
