“İqlim dəyişikliyinin qlobal təsirləri fonunda Azərbaycanın da təsirə məruz qalacağı qaçılmazdır”.
“Report”un xəbərinə görə, bu, Bakı şəhərinin 2040-cı ilədək inkişafına dair Baş planında əksini tapıb.
Qeyd olunub ki, proqnozlara görə 2040-cı ilə qədər illik istiliyin 1.5oC, 2100-cü ilədək isə 4 oC yüksələcəyi gözlənilir:
“2040-cı ilə qədər illik yağıntı miqdarının 5%-ə qədər azalacağı, 2100-cu ilə qədər isə 10%-ə qədər artacağı proqnozlaşdırılır. Abşeron yarımadasını içməli və suvarma suyu ilə təmin edən Azərbaycanın dağlıq bölgəsində yağıntı miqdarının daha ciddi dərəcədə azalması gözlənilir (20%-ə qədər azalma) ki, bu da gələcək su qıtlığı riskini daha da artırır”.
